NHỤRỤ ỤWA NDỊ IGBO SITE N’AKỤKỌNEEGWỤ MIKE EJEAGHA

Abstract

Nchọcha a, lebara anya n’akụkonaegwu Mike Ejiagha dịka a enyo eji ahụta ndụ ndi Igbo.Onọdụ akụkonaegwu nọzị na ndụ ndị Igbo ugbua bụ ihe ịgba anya mmiri nyere nwaafọ Igbo ọbụla ihe gbasara omenaala na-echu ura. N’ime oru nchọcha, nwanchọcha lebara anya na nhụrụ ụwa ndị igbo n’akụkoneegwụ Mike Ejeagha. O bụ nleda anya e ledara akukọneegwu n’obibi ndụ ndị Igbo/nhụrụ ụwa ha, bụ otu nsogbu nke butere asụsụ na omenaala Igbo ji dizie ka a ga-asị na ọ bụ ihe dara mmiri ma na-anyụ ka ọkụ. O bụ n’ ihi oke nsogbu a, kpalịtere mmụọ nwancọcha iji mee nchocha n’isiokwu a. Ebumnobi nwanchọcha bụ ịkwalite agụmagụ odịnaala nke akụkọneegwu di n’ime ya. I gosi nhụrụ ụwa ndi Igbo n’egwu Mike Ejeagha. Ihe ndi a bụ ihe Igbo ji bụrụ Igbo nke na anwụ anwa n’ oge ugbu a. Nwanchọcha gbasoro ụsoro nkowa, n’ihi ya, ọ gara ebe ndị di mkpa iji nweta akukọneegwu ndi ọzọ di mkpa tinyekwara ndi e jiri mere ebe nlere anya. Ọ bụ atụtụ emereme ka a gbasoro mee nchocha a. Site na ntule nwanchocha n’egwu ndi e jiri mere nlere anya na akụkonyeegwu ndi ozo e webatara, a chọputara na ọ bụ ndụ ndị Igbo ka akụkọneegwụ ndị a gbadoro ukwu. N’ihi nke a, nwanchocha tụtara alo ka ndị Igbo chekwaa akukoneegwu ha n’ihina ọ bụ ọru diiri agburu ọbula ichekwa omeneela ha. N’otu aka ahụ na-agwa ndi Igbo ka ha na-ege akụkọneegwu n’ihi na ọ na-enye ọnụ dika egwu ndi ọcha na ogbo ha ndi ọzọ. Ọzọkwa dika ibe ya bụ na o juputara na nkuzi ihe di icheiche gbasara ndụ na obibi ya.