NYOCHA NSỤNỤBỤRỤ N’ASỤSỤ MMEBI DỊ N’ETIT MMADỤ ABỤỌ NWERE ỌRỊA NTỌNTỌ

Abstract

Nchọcha a lebara anya na nsụnụbụrụ n’asụsụ mmebi dị n’etiti mmadụ abụọ nwere nwere ọrịa ntọntọ bụ ndị dị n’agbata afọ iri ise ruo afọ iri isii. Mbunuche nchọcha a bụ inyocha asụsụ mmadụ abụọ nwere ọrịa ntọntọ Brocas. E jiri usoro nkọwa nyochaa ihe a chọpụtara na nchọcha a. Ọ bụ usoro ajụjụ ọnụ ka e ji nweta njiatule nchọcha a. Ọ bụ atụtụ nke ebumpụta ụwa (Innatis) ka e jiri hazie nchọcha a. Ndị e jiri mee nchọcha a bụ ndị okenye abụọ nwere ọrịa ntọntọ Brocas n’Elugwu Ezike. Nchọpụta nchọcha a gosiri na ndị nwere ọrịa ntọntọ Brocas na-egosiputa ihe ndị a n’asụsụ ha: okwu ha na-adị nta (nwere oke), mkpọpụta okwu ha na-enwe ntụpọ, ahịrịokwu ha anaghị ezucha oke, ha na-echefu itinye okwu ụfọdụ n’ahịrịokwu ha dịka ‘na’ tinyere na ha anaghị etinye ngwaa n’ahịrịokwu ha. Ha na-enwekwa nsogbu n’odide ihe.